Kebaktian Minggu Ke IV, 25 Agustus 2024, Pukul 09.00 WIT, dilayani oleh Pdt. Ny. Agnes. Pentury/S, M.Si, bersama Majelis pendamping bertugas Pnt. Ny. F. Maghijn/E dan Dkn. Ny. D. Purmiasa/N.
Mempergunakan Alkitab Bahasa Melayu Ambon, 1 Samuel 2 : 11 – 26, menjadi bagian Alkitab yang dibaca secara bersama dan direfleksikan oleh Pdt Agnes.
“Ketika katong baca Alkitab tentang kisah ini, pasti katong sebagai orang tua deng anak-anak su mulai berpikir deng su mulai rasa, ‘iyo e Eli pung anana pung kalakuang kajahatang tuh deng Samuel yang pung kalakuang bae tuh’ bukang hanya ada di zaman itu sa e, tapi mangkali akang jua ada oras ini di katong pung keluarga ataupun jemaat,” ujar Pdt Agnes mengawali khotbahnya dengan berdialek kental bahasa melayu Ambon.
“Zaman yang barubah tambah hari tambah capat ini bukang hanya bawa hal yang bae-bae sa, mar jua hal yang tarbae lai.” Pdt Agnes lantas memberikan contoh, “perbandingan anana zaman dolo deng anana zaman sakarang, dari aspek cara menghormati orang tatua deng cara tarima nasehat deng teguran dari orang tatua.” Menurut Pdt Agnes, “dolo-dolo anana dong kalo dapat nasehat deng tagor dong cuman dengar lah iko, mar anana oras ini orang tatua pung satu kata dong pung saribu, apalai kalo su skolah tinggi sadiki labe dari orang tatua, lah mulai bikin diri tau labe dari orang tatua. Itu hal-hal yang terjadi oras ini, dimana makin hari makin tar dengar-dengaran, makin hari makin sombong, makin hari makin anggap diri labe dari orang laeng lah anggap orang laeng tar pung apa-apa satu lai,” sentilan keras Pdt Agnes.
“Tabiat deng kalakuang samua itu tuh, ada jelas di katong pung pembacaan Alkitab ini kio”, ucap Pdt Agnes, yang saat ini bertugas di Lembaga Penerjemah Alkitab.
“Hofni deng Pinehas yang merupakan Imam Eli pung anak-anak, dong biking dua hal yang biking Tuhan sedih, kecewa, bahkan marah. Yang pertama dong ambel korban yang harusnya par Tuhan, mar dong dua ambel akang par dong dua pung diri sandiri. Lalu yang berikut, dong tidor deng parampuang-parampuang di muka tenda-tenda tampa kudus pertemuan orang-orang Israel deng Tuhan. Dong dua su seng inga Tuhan lai, mar dong inga dong pung sanang sa, padahal dong dua ini karja par Tuhan, su kase diri par melayani Tuhan sama deng dong pung papa. Tapi ternyata ketika dong karja par Tuhan, dong seng kase diri antero-antero, dong biking iko suka sa, malah dong biking dosa dalam dong pung pelayanan,” Pdt Agnes menjelaskan.
Laste ketika Imam Eli tagor Hofni deng Pinehas dong dua su seng mau dengar lai.
“Itu tagal kebiasaan bilang itu sa mo, anggap dari awal itu barang biasa sa, jadi kase tinggal sa seng tagor, nanti laste baru manyasal ketika anana biking susah orang laeng pung hidop,” tandas Pdt Agnes.
“Laeng deng Samuel, biar dia pung papa deng mama harus melalui pergumulan deng aer mata par dapa dia, mar ketika Tuhan kase Samuel, Elkana deng Hana seng tahan Samuel, tapi bale buka tangan lah kase Samuel karja par Tuhan”.
“Elkana deng Hana adalah orang tatua yang kase contoh paleng bagus supaya anak balajar taruh diri antero-antero par Tuhan. Lalu Samuel jua balajar dari dia pung orang tatua par sayang Tuhan deng batul-batul,” ungkap Pdt Agnes.
“Keluarga merupakan tampa Tuhan slalu ada disitu deng tampa pertama katong ajar tentang iman par katong pung anana,” Pdt Agnes mengingatkan.
Tiga pesan penting dari firman ini yang katong bisa ambel lah balajar sama-sama, menurut Pdt Agnes;
1. Keluarga bukan cuman soal darah yang sama, tetapi juga tentang iman yang sama.
“Supaya keluarga tetap kuat minta Tuhan sertai. Harus pung waktu sombayang sama-sama deng ibadah sama-sama. Ketika dudu di meja makan sama-sama jang lupa rajin kase nasehat, supaya bukan cuma katong pung darah sa yang sama, mar katong pung iman deng parcaya jua terbangun sama-sama kuat par Tuhan.”
2. Keluarga merupakan skolah hidop.
“Dalam skolah hidop ini, Tuhan Yesus pung Roh Kudus itu yang jadi guru, Alkitab yang jadi katong pung buku, lalu katong sebagai orang tatua deng anana tinggal balajar sama-sama. Di skolah hidop itu bukang sapa yang paleng pintar, mar sapa yang bisa bajalang iko Tuhan pung atorang bae-bae. Taruh hormat slalu par orang tatua. Katong (anana) ada di dunia ini karena papa deng mama. Katong ada sampe hari ini nih karena dong pung sombayang. Tagal itu jang lupa sombayang lai par orang tatua supaya dong umur panjang lah tetap jadi sombar par katong.”
3. Seng ada keluarga yang sempurna.
“Seng ada orang tatua yang saratus persen batul, seng ada anana yang seng biking salah, tapi katong sama-sama balajar bahwa keluarga itu merupakan tampa katong unju rasa sayang, tampa katong bisa kase ampong yang su biking salah, keluarga tampa katong hidop dalam Kasih Tuhan.
Mari belajar dari Elkana deng Hana, kalo sayang anana tuh kase unju apa yang batul, lah kase unju apa yang seng batul, supaya anana dong bisa timbang-timbang lah ambel keputusan yang tepat par bajalang iko Tuhan pung parentah.”
“Jang tagal kata sayang, itu saja mo, manja dong, ondo-ondo dong, lalu katong seng ajar anana tentang apa yang batul. Satu kali katong barani langsung tagor bilang apa yang salah yang dong su biking, itu biking dong langsung barubah, lah balajar par biking hidop jadi bae.”
“Ingatang, awas jang sampe katong manyasal sama Imam Eli!”
“Mari jadi keluarga yang batul-batul sayang Tuhan, yang takut Tuhan, yang hidop iko Tuhan pung parentah, jang bale muka kiri kanan, kase hati antero-antero par Tuhan, supaya katong pung tabiat deng perbuatan seng biking Tuhan hati manangis, tapi biking Tuhan hati sanang,” tutup Pdt Agnes.
Pengisi Pujian: PS Sektor VII & VG Laki-laki Siloam
Pelayan bertugas di kebaktian Minggu Pukul 07.00 WIT.
PF: Pdt. Ny. L. Kaimarehe/L, S.Si
Majelis pendamping bertugas: Pnt. Ny. L. Noya/M dan Dkn. Ny. J. Voermans/S.
